Solid oppgang trass korona og mange restriksjonar

I sum har kremmarane på Etne senter lagt eit godt år bak seg; nokre kjempegodt i eit svært spesielt år. I denne kategorien tilhøyrer sportsbutikken.

— Totalt gjekk 2020 veldig bra og me hadde ein auke på 29,8 prosent samanlikna med året før. Det hadde me ikkje trudd i mars, seier Jørgen Øyjord i Sport 1 Etne og er godt nøgd med sluttresultatet som enda på 17,6 millionar kroner sjølv om det såg mørkt ut i starten av året.

— Ut april i fjor var me bak året før, og me mista både Etnecup, Etnemarknaden og påsken. Men då hytteforbodet blei oppheva tok det seg opp, og frå mai og ut året eksploderte det, seier Øyjord.