Snudde i kraftlinjesaka

Kommunestyret i Etne gjekk mot formannskapet si tilråding, der den omsøkte traseen gjennom Etne kommune blei vedtatt med visse endringar under sist formannskapsmøte. I den nye samla tilrådinga signert Sp, KrF, V, H, Frp og Ap heiter det at Etne kommune ikkje kan ta stilling til konsesjonssøknaden då den er mangelfull. Kommunestyret meiner vidare at ein sjøkabel bør utgreiast.

— Me må sjå framover og ha sjøkabel som mål. Nå blir det ein kamp mot staten som me ikkje kan kjempa åleine, sa Kristin Golf (V) og takka bygdefolket for det store engasjementet som er vist dei siste dagane.

Golf var den einaste som stemte nei til å senda høyringsuttale av den føreslåtte traseen, og torsdag kveld fekk ho heile kommunestyret på si side. Ho meiner det er store manglar i utgreiinga til NVE, og ber NVE kalla inn til eit folkemøte.