Snøbyger på veg inn i Ølensvåg tysdag.
Svein-Erik Larsen.
Slik blir nyttårsveret
Tysdag ettermiddag og kveld kan det kome enkelte snøbyger i Etne og Vindafjord, men snøen blir ikkje liggande lenge. På nyttårsaften ventar lågtrykk frå nordvest, som gir regn og sludd.
— Det ser litt trist ut.
Det seier vakthavande meteorolog ved Meteorologisk institutt i Bergen, Leonidas Tsopouridis, om nyttårsveret i Etne og Vindafjord.
Tysdag er det ganske kaldt i distriktet, med rundt fem minusgrader. Temperaturen vil stige noko utover dagen, det blir meir skydekke, og det kan kome enkelte snøbyger mot ettermiddagen og kvelden, samt natt til onsdag.
