Eva Vatnedal Nordtveit og Erik Hjelm Fjeldheim skal halde innlegg om korleis det er å vere unge i Vindafjord.
ARKIVFOTO: NILS ERIK EIDE/VINDAFJORD KOMMUNE
Skal gi viktige råd om framtida
16 år gamle Eva Vatnedal Nordtveit overtar som leiar i ungdomsrådet i Vindafjord. Dermed får den unge vatsbuen også den omstridde barnehage- og skulestruktplanen i fanget.
Grannar skreiv nyleg om Eva Vatnedal Nordtveit etter at ho som éin av tre elevar ved Ølen vgs gjorde det svært godt i ein nasjonal skrivekonkurranse der temaet var å sjå framover. Det handlar også om framtida når politikarane i Vindafjord tidleg på sommaren skal avgjera kor det skal vera skular og barnehagar i kommunen
Eitt av dei mange innspela politikarane må ta omsyn kjem frå dei unge. I samband med det første møtet i ungdomsrådet i 2022 hadde dei besøk av Nils Erik Eide, kommunalsjef for oppvekst, som blant anna informerte medlemane om barnehage- og skulestruktplanen. Saka kjem opp på ungdomsrådet sitt neste møte, 19. mai.
— Nokre av desse ungdomane vil ganske sikkert enda opp i politikken. Dette er flinke, dyktige og reflekterte ungdommar som tenkjer framtidsretta og fornuftig. Deira stemme vil vera viktig i denne saka, er Eide sin dom over medlemane i ungdomsrådet.
