Sikrar meir pengar til samferdsel og opplæring

Det nye budsjettfleirtalet, som består av Arbeidarpartiet, Høgre, Senterpartiet, Kristeleg folkeparti og Venstre, aukar midlane til samferdsel og opplæring med respektive 31 og 11 millionar kroner i forhold til rådmannen sitt forslag.

I tillegg vert det sett av 6,2 millionar meir til kultur, frivilligheit og næringsutvikling.

Dei auka frie inntektene frå regjeringa sin tilleggsproposisjon bidrar til å gi etterlengta handlingsrom for fleirtalspartia i eit elles stramt budsjett. Det er fylkesordførar Marianne Chesak (Ap) glad for.