Den nye Vindafjordhallen begynner å ta form. Her frå i midten av april.
Arkivfoto: Svein-Erik Larsen
Satsar på lokal energi
Den nye Vindafjordhallen skal få varmen sin frå eit nytt biovarmeanlegg på Kårhus, som i hovudsak skal bruke lokal skogflis. I desse dagar er det konkurranse om ein avtaleperiode for 20 år, med opsjon på fem til.
I tillegg til symjehall og bygdahus skal levere varmt vatn til oppvarming av Vindafjordtunet og på sikt Vats skule. Aktørar har frist til 29. april med å komme med tilbod.
100 prosent fornybart
I kravspesifikasjonen står det at det er krav om 100 prosent fornybar energileveranse. Fliskjelen skal minimum dekke 85 prosent av varmeleveransen (grunnlast). Spisslast og 100 prosent reservelast skal dekkast av bio‐ oljekjelar. Kombinasjon av fleire fliskjelar som alternativ til bioolje er aktuelt dersom fliskjelane har uavhengige separate matesystem.
Det er krav om at leverandør har tilrettelagt energisentralen slik at ein kan stette tilsvarande krav ved ein mogleg utvida varmeleveranse gjennom full konvertering av Vindafjordtunet og Vats skule.
