Pakkers består av Jon Ørnes (t.v.), Sveinung Bjelland, Kjetil Ulland og Jostein Hustveit.
Pressefoto: Svein Egil Økland
Saloon-påske med Amerikalinjen, Big Kjell» og Pakkers
Tre livekonsertar står på plakaten den neste veka. Etter to år med korona-pause er husbandet Amerikalinjen meir enn klare for å entra Saloon-scenen. Og kva er vel ein betre start enn påskehelga?
Det lokale bandet spelar opp palmelaurdag 9. april. Veteranskipet» letta anker 1. juledag anno 1999 med kurs for nyopna Old River Saloon veka før. Og seinare har det blitt mange turar med om lag same mannskap: Nils Halleland som kaptein, Marius Halleland, Arne Haugen, Rune Rødne, Arne Gunnar Habbestad og Sverre Olden Mala.
Amerikalinjen spelar fengjande og dansbar roots- og countrymusikk frå andre sida av Atlanteren. Blant artistane dei hentar musikken frå er Steve Earle, Eric Clapton, Bruce Springsteen, John Fogerty, pluss skipskista full av andre kjende namn.
