Her øver Mona Lill Hundseid (t.v.), Tor Helge Selvaag og Ole Martin Owe inn replikkane til revyen i Sandeid, som har premiere om ein månad.
FOTO: Anita Haugland
Revygjengen er klar med vitsar på kanten
Terping på replikkar, latter og song, er stikkord som går igjen når det skal øvast inn ny revy.
— Skal eg ha tenner eller skal eg ikkje ha tenner? It´s up to you, seier Mona Lill Hundseid.
I rolla som ei litt eldre dame, Amanda, er ho kledd i lillamønstrete kåpe og gråkrøllete parykk.
— Eg har likt å gå inn i roller, og halde på med tull og tøys sidan ungdomsskulen, og eg har vore med på mange revyar i distriktet opp igjennom åra, fortel 56-åringen frå Vikedal, som no er busett i Ølen.
