Reisinga av den nye Vindafjordhallen er i gang

Det fortalde prosjektleiar Frode Eike under eit formannskapsmøte tysdag. Han viste eit bilete av bygget frå sist fredag.

Eike informerer om framdrifta i prosjektet under kvart formannskapsmøte. I ein oversikt over uføresette hinder i byggeprosessen opplyste han om at det var funne berg i ei byggegrop. Tidlegare har det blitt oppdaga miljøforureina grunn, forureina betong og betong i grøfter. Totalentreprenør GL Prosjektservice har varsla konsekvens for framdrift grunna det uføresette.

— Per i dag ligg dei nokre veker etter planen, men det blir jobba med å hente dette inn igjen med parallelle aktivitetar, sa Eike.