Regjeringa vil sikre at bønder får betre ordningar til å leige inn avløysarar for å til dømes kunne reise på ferie.
Illustrasjonsfoto: Foto: Terje Bendiksby / NTB / NPK
Regjeringa vil gjere det enklare for bønder å ta ferie
Ei endring av arbeidsmiljølova skal sikre at bønder får betre ordningar til å leige inn avløysarar for å til dømes kunne reise på ferie.
– Avløysartilskota og landbruksvikarordninga er ikkje berre avgjerande for at vi skal ha rekruttering til jordbruket, men også for at vi skal behalde dei som allereie er i næringa. Derfor er det viktig at vi sikrar grunnlaget for avløysinga til gardbrukarane frå avløysarlaga, seier landbruks- og matminister Nils Kristen Sandtrøen i ei pressemelding.
Fredag foreslo regjeringa ein forskriftsheimel i arbeidsmiljølova som opnar for å gi særreglar og unntak ved innleige av avløysarar frå avløysarlag.
Arbeids og inkluderingsminister Tonje Brenna understrekar at det å vere bonde skil seg frå andre yrke.
