Populært med handlaga julegåver
Tradisjonen tru opnar Gnisten dørene og inviterer til julehandel med heimelaga produkt i hyllene, og i år er det ekstra mykje å velja mellom for handlelystne kundar.
Inne i det koronatilpassa butikklokalet ved Gnisten i Sandeid går handelen så det suser. Dei unike produkta signert brukarane ved Vindafjord arbeids- og aktivitetssenter er populære gåveartiklar, enten dei endar opp under juletreet eller skal brukast til å pynta litt ekstra opp heime i stova til jul. Audhild Furseth frå Sandeid er ein av mange kundar som tek turen innom julebutikken for å sikra seg nokre godbitar, og i dag har ho fylt handleposen med eit fat, eit juletre i tre og ein liten elg som skal pynta opp til jul.
— Her er kolossalt masse fint, seier Furseth og dreg bankkortet i kassen.
— Eg kjem nok igjen, seier ho.
