Planlegg Noregs største biogass- og gjødselfabrikk

Enova har tildelt 124 millionar kroner i støtte til Bio Jæren AS, som har planar om å etablere den største biogass- og gjødselfabrikken i landet på Grødaland.

– Enova-støtta er ei stadfesting på at vi er på rett veg, seier Frode Halvorsen, styreleiar i Bio Jæren AS og dagleg leiar i Redo Biosolutions AS i eit intervju med Jærbladet.

Fleire aktørar står bak Bio Jæren, som er eit samarbeid mellom Redo Biosolutions, Lyse, IVAR og Felleskjøpet Rogaland Agder. Tine og Nortura var involvert i eit tidlegare stadium, men har no selt seg ut.