Venninnene Elisabeth Kallevik Nesheim (t.v.) og Inger Elise Netland Kolstø deler lidenskapen for dei kongelege. Dei gler seg til å vere tett på ei hending som kjem til å engasjere ei enorm mengde folk på tvers av landegrenser.
FOTO: Anita Haugland
Pakkar bunaden og blir med på kroninga
Etasjefatet er dandert med kroningspai og småkaker, og teen blir servert i kongeleg servise med bilete av kongelege brudebukettar. Ingenting er tilfeldig når venninnene Elisabeth Kallevik Nesheim frå Vats og Inger Elise Kolstø frå Karmøy møter Grannar for å snakke om ei ny, kongeleg storhending.
— Jo, antrekket er faktisk tilfeldig i dag, sjølv om det ikkje ser slik ut! seier Elisabeth Kallevik Nesheim, medan ho bryt ut i latter.
Ho fortel at dei to venninnene lo godt då Kolstø troppa opp i knallrosa bukse, medan Nesheim tok imot henne i ein bluse i same farge.
