Over 1,6 mill. til tiltak for sårbare eldre i Vindafjord

Fordelinga er klar etter revidert statsbudsjett etter avtale mellom Frp og regjeringa, opplyser stortingsrepresentant Terje Halleland (Frp). Pengane skal gå til tiltak mot einsemd, for meir aktivitet og fleire besøk, og blir delt ut til kommunar og frivillige.

— Dette var ein viktig siger for oss i Frp, og det er gledeleg at regjeringa og fylkesmennene nå kjem med pengane i ei tid kor eldre er svært sårbare for einsemd, seier Halleland.

I budsjettforliket blei det løyvd 400 millionar kroner til tiltakspakken til sårbare eldre. På grunn av covid-19 har ikkje Helsedirektoratet kunna forvalta alle midlane sjølv, og dei føreslo difor at forvaltninga av midlane i forliket blir delt likt mellom Helsedirektoratet, Fylkesmannen og Stiftelsen Dam. Halleland seier at dei omsøkte tiltaka viser kor viktig samspelet mellom kommunane og frivillig sektor er.