Det kom som lyn frå klar himmel då det plutseleg vart snakk om nedlegging av Etne vgs tidlegare i år, men søkjartala har ikkje lidd under det, kan rektor Marion Kallevik fortelje nå når det nærmar skulestart.
FOTO: ØYSTEIN BIRKENES
Opptur for trua skule
Trass ei usikker framtid kan Etne vgs skilte med gode søkjartal, også nå når det begynner å bli klarheit i det reelle talet på elevar til hausten. I Ølen melder dei om stabile tal, og ekstra stor pågang på helsefag.
På grunn av ordninga med fritt skuleval på tvers av fylkesgrensene, er det nå som tidlegare først i slutten av juli at ein veit kor mange som faktisk ønskjer seg til utdanninga dei har søkt i Hordaland framfor Rogaland, og omvendt.
— Dei reelle tala som nå kjem inn, ser veldig bra ut, kan rektor Marion Kallevik ved Etne vgs fortelje. Det vil vere små justeringar i samband med tredjeinntaket, men me har eit godt inntrykk av korleis det blir nå. Søknaden til Etne vgs har faktisk aldri vore betre. Me var spente på om utviklingane i lys av rullering av Skulebruksplanen i Hordaland ville gi ein negativ effekt, men det viser seg altså at dette ikkje har skjedd.
Tesdal i skotet
