Ølen Betong opnar ein ny stasjon i Ålesund. Per Rune Ulvenes, driftsleiar ØB Ålesund, Kim-Ove Hestås, produksjonsleiar ØB Ålesund, Lars Norekvål, dagleg leiar Ølen Betong, Kjell Vidar Skarvøy, regionleiar Møre Ølen Betong og Sindre Standal, Blista Transport.
FOTO: ØLEN BETONG
Næringsliv
Ølen Betong med ny stasjon
Ølen Betong AS går saman med lokale entreprenørar og etablerer ein betongstasjon på Flatholmen i Ålesund, kalla ØB Ålesund Betong. Målet er å sikre leveringskapasitet og vere ein solid leverandør i lang tid framover.
— Ølen Betong har lenge sett på Ålesund-regionen som svært interessant, seier dagleg leiar Lars Norekvål i Ølen Betong i ei pressemelding.
Han viser til at regionen historisk sett har vore ein svært stabil marknad, utan dei store svingingane me gjerne ser andre stader.
Ølen Betong AS er ein av Noregs leiande leverandørar av ferdigbetong, betongvarer og betongelement til tunnel og samferdsel, med produksjon fleire stader i Noreg. Hovudkontoret ligg i Ølensvåg.
