Lettare steg ut frå banken har Oddvin Narve Storebø (68) aldri tatt, etter at han måndag gjorde seg gjeldfri med vinsten frå jokertrekninga han vann førre onsdag. Då hadde han ein spesiell telefonsamtale som framleis gir han frysningar.
Foto: Sirianne Vikestad
Oddvin (68) fekk telefonen alle ventar på
Med lette steg og eit stort smil om munnen var det ein veldig glad jokervinnar som måndag ettermiddag var innom banken og gjorde seg gjeldfri.
— Dette var ein lette, seier Oddvin Narve Storebø frå Skånevikstranda.
I årevis har han tippa i Lotto, og berre drøymd om at ein telefon frå Hamar skulle komme. Førre onsdag kom telefonen om at han var Joker-vinnar, og kjensla etter den telefonsamtalen sit enno godt i kroppen til Oddvin.
