Nå kan fleire få sletta studielån i Etne og Vindafjord

Frå januar 2026 kan innbyggjarar i dei minst sentrale kommunane i Norge få sletta delar av utdanningsgjelda si. Det skriv regjeringa i ei pressemelding.

Ordninga, som er ny, omfattar 189 kommunar som er klassifiserte på nivå fem og seks på sentralitetsindeksen til Statistisk sentralbyrå (SSB). Etne og Vindafjord er klassifiserte på nivå fem.

— Nå får me eit heilt nytt verktøy for å sikre tilgang på kompetanse i heile landet. Velferd, verdiskaping og konkurransekraft er nøkkelen til gode lokalsamfunn, og derfor betrar me nå tilgangen på kompetanse i heile landet, seier forskings- og høgare utdanningsminister Sigrun Aasland (Ap) ifølge pressemeldinga.