Med minusgrader og røyk som kulisse spelar gruppa Wrath inn musikkvideoen som snart kjem ut til publikum. I front Jenny Rudi (22) på vokal, gitar og fele, Leon Torskangepoll (22) bass og bak Sander Heggen Skogen (24)trommer og sampler.
Foto: Anne-Britt GrindheimFOTO: Anne-Britt Grindheim
Musikalsk mystikk i skogen
Det er ein tidleg føremiddag i november, sola skin berre på dei øvste toppane og gradestokken viser fleire minusgrader. Vinden er fråverande medan den kjølige trekken kjem sigande med bålrøyk nede i skogbrynet.
Filmteamet er alt i gang med den helgelange filminnspelinga.
— Det handlar om å bruke dagslyset for best resultat, fortel produsent Espen Rudi.
Bandet Wrath, som betyr vrede, skal lage ein musikkvideo og lokasjonen er i Stokkadalen i Vats med medlemmer frå Ølen, Haugesund og Bergen.
