Kvart einaste år et norske mus bilar og campingvogner for eit tosifra millionbeløp. Det viser tal frå forsikringsbransjen.
Foto: NAF
Mus et bilar for mange millionar
Når kulda kjem, finn gnagarane også vegen inn i bilar, bubilar og campingvogner. Sjølv om dei er små, gjer dei skade for fleire millionar kroner kvart einaste år.
– Viss du finn muselort i garasjen er det ekstra viktig å vere på vakt, så dei ikkje flyttar inn permanent. Eller endå verre; at dei flyttar inn i bilen. Derfor er det alltid smart å tenkje førebygging, seier Nils Sødal, som er senior kommunikasjonsrådgivar i NAF.
– Vedstablar, tørkepapir, pusseklutar, arbeidsklede og slike ting er populære buplassar for mus. Alt som musene trivst i eller et bør vekk eller i lukka plastkasser, oppmodar Sødal i ei pressemelding.
