Egil Berakvam hadde beredskapsvakt og vakna av at tjuverialarmen gjekk som følgje av brannen. Hanne Stine Vannes i SK Vats er leiar for svømmegruppa som står utan basseng.
Foto: Jon Edvardsen
Møtt av flammane
Egil Berakvam hadde beredskapsvakt for Vindfjordhallen og var den første som kom til flammehavet etter at tjuverialarmen gjekk.
— Eg var der fem minuttar etter at alarmen gjekk. Det var sterk varme og det var berre å vente på brannvesenet, seier Egil Berakvam.
Han har vore engasjert i frivillig arbeid for Vindafjordhallen heilt sidan starten, og som mange andre vatsbuar deltatt i dugnad i årevis.
— Det var klart til å fylle opp bassenget igjen i september og det var bookingar for arrangement heilt fram til 2022. No ligg alt i flammar, seier han og ser ut over branntomta på Kårhus i Nedre Vats.
