Mot byggestart for folkebasseng

For drygt eitt år sidan blei ideen om eit utebasseng midt i Skånevik lansert. Eit 1,2 mål stort område like ved Fjordhotellet skal etter planen romma oppvarma basseng, badstu, velværerom, garderobe- og toalettanlegg og uteområde med solstolar og sittegrupper. Alt universelt utforma og tilpassa alle uavhengig av funksjonsevne. Prislappen ligg førebels på rundt 12,2 millionar kroner og så snart finansieringa er i boks kan dei første gravemaskinene ta fatt på grunnarbeidet.

— Me håpar på byggestart i sommar eller til hausten. Me manglar ennå litt pengar, rundt 1,5 millionar kroner, dersom me skal sleppa å ta opp lån, seier leiar i Sjøkanten trivsel, Heidi Wannberg som helst ser at prosjektet er fullfinansiert før byggestart.

Gjevarglede