Fleire stadar i Noreg er det mangel på folk til å dømme fotballkampar. Norges Fotballforbund (NFF) jobbar no med å analysere kor alvorleg situasjonen er.
Illustrasjonsfoto: Vegard Wivestad Grøtt / NTB/ NPK
Mangel på fotballdommarar fleire stadar i Noreg
NPK: Fleire stadar i Noreg er det mangel på folk til å dømme fotballkampar. Norges Fotballforbund (NFF) jobbar no med å analysere kor alvorleg situasjonen er.
— Vi er altfor få dommarar no. Det blir merka på både kropp og sinn, seier fotballdommar Johan Veland Kjellesvik til NRK.
Han har vore dommar i fire år, men har på den tida sett mange dommarar leggje karrieren på hylla.
Norges Fotballforbund (NFF) jobbar no med å analysere kor alvorleg situasjonen er.
— Det er ingen tvil om at det er uro rundt dommarsituasjonen i landet, og vi tek dette på alvor, seier direktør for utvikling og aktivitet i NFF, Alf Hansen, til NRK.
Han peikar på at mange dommarar over heile landet som har gitt seg under pandemien, men førebels har dei ikkje nøyaktige tal på kor mange det er snakk om.
