Lite dryp på Haugalandet
At E134 i Espelandsvingane blir vidareført, er nesten dei einaste millionane til ny veg på Haugalandet. Vindafjordordførar Ole Johan Vierdal (Sp) hadde håpa på meir og er skuffa over at kommunen hans er blant taparane i nye frie inntekter.
I låglandet i vest er det berre E134 Espelandssvingane som er nemnt i den avgåtte regjeringa sitt forslag til statsbudsjett for 2022. Innanfor ramma blir det prioritert statlege midlar og bompengar til Espelandssvingane på E134 i Rogaland, står det i samferdsledepartementet sin del av proposisjonen.
— Det var vel ikkje så uventa at dei skal gjere seg ferdig, noko anna ville vere ein skandale. Sjølvsagt skal vi vere glade for dette prosjektet, men eg hadde håpa å sjå noko om både Bakka-Solheim og gul stripe over Fikse, seier Ole Johan Vierdal.
Tunnellar på fjellet
