Kritisk til priskrig på påskegodt: – Vent med påskeegget

– Det er heilt greitt å nyte påskegodt, men det bør ikkje ta heilt av. Og fyll gjerne på med frukt og grønt, meiner Opplysningsrådet for frukt og grønt (OFG).

– Det er lett å bli riven med når godteriet er billeg og det blir snakka om påskeegg på alle kanalar. Men det kan vere lurt å vente litt med sjølve egget. Tradisjonelt leitte barna etter egget på påskeaftan – og det kan vere ein fin tradisjon å halde på, seier ernæringsrådgivar Iselin Bogstrand Sagen frå OFG i ei pressemelding.

Ho meiner at det faktum at butikkane lokkar med låge prisar og ekstra kos» gjer det krevjande for forbrukarar å ta bevisste val.