Dette biletet blei tatt på Karl Johan i juli i fjor, men kunne like gjerne vore tatt i juli i år. Det er ingen teikn til at sommaren kjem tilbake med det første.
Foto: Tor Erik Schrøder / NTB / NPK
Klimaforskar: Lite truleg med bra sommar i år
Sommaren i fjor var ikkje mykje å skryte av, og denne sommaren har vore elendig. Det er ikkje noko som tyder på at det skal bli betre, ifølgje klimaforskar.
Klimaforskar Erik Kolstad seier til Drammens Tidende
at det ikkje ser ut til at vêret blir betre med det første.
– Sånn som Noreg er plassert kan vi ikkje ta det som sjølvsagt at det blir ein perfekt sommar, seier Kolstad, som meiner vi har vore uheldige i år.
– Vêret hos oss er veldig avhengig av kvar vindretninga og lufta kjem frå. I periodar kjem den frå nord og då er det kaldt. I andre periodar kjem den frå sør og då får vi det veldig varmt. Det er tilfeldig og veldig uflaks, rett og slett.
