Klampen i botn for innhaldsrik sesong

NMK Vikedal har til saman seks større arrangement på programmet denne sesongen. Til helga blir det sesongopning løp i bilcross og rallycross med første runde i Vestlandsmeisterskapet. I tillegg er det opna for konkurranse i crosskart.

— Me ventar folk frå Bergen, Egersund, Sunnfjord og vårt distrikt, seier leiar i NMK Vikedal, Karina Nonslid og håpar ho på fint vêr og mykje folk både på banen og på tribunen.

Den årlege vårdugnaden er vel i hamn, og både banar og anlegg har fått seg eit ansiktsløft før sesongstart.