I ferd med å sikra seg plass på Stortinget

På Victoria hotel i Stavanger har rundt 40 personar frå Rogaland Senterparti samla seg for å følgja med på årets valtriller, og jubelen stod i taket over valprognosen som blei rulla ut presis klokka 21.00. Det viser at Senterpartiet ligg an til å få 26 mandat på Stortinget.

— Dette er draumetal. Det skal bli spennande å sjå om det held, seier Rogaland Senterparti sin kandidat nummer to, Lisa Marie Ness Klungland frå Ølen og vågar nesten ikkje tru det ho ser.

— Nå ser det ut som eg er inne. Eg treng over 10 prosent i Rogaland og nå har talet passert 10-talet der. Det har vore heilt fantastisk å få den beskjeden, men eg er ikkje heilt sikker før i morgon, seier ho spent til Grannar like etter at dei første resultata kom inn.