Andrè Nesheim er som 30-åring ein etablert kulturformidlar med base i Oslo.
Nils Tokheim
Heiltids kulturformidlar
Skjoldabuen Andrè Nesheim blei kjend gjennom TV-skjermen i 2021. Med base i Oslo står han 30 år gamal støtt på eigne bein som frilansar både på og bak scena. Før jul spelar han lettare oppjazza julemusikk i Vindafjord, Haugesund og Stavanger saman med tre andre haugalendingar.
Håvard Ersland (31) , opphavleg frå Imsland, no Oslo og for tida Malaga, er med på konsertane i Rogaland.
Det er med åra mange som har vist seg fram på TV-skjermen i program som The Voice og Idol. Mange heng med vidare som profilerte artistar, nokre er med utan å vera synlege i mediebiletet og andre blir døgnfluger.
Skjoldabuen Andrè Nesheim var midt i tjueåra då han kvalifiserte seg til The Voice på TV 2, og han var med i fleire rundar.
