Haugaland Kraft kjøper sine eigne aksjar hos Karmøy kommune og Haugesund kommune for 365 millionar kroner. Dermed har dei tilsvarande millionar ledig til å bruke forkjøpsretten på aksjane investeringsselskapet HitecVision har kjøpt av Fjeldberg Kraftlag. Illustrasjonsbilde frå kabelarbeid i regi av Haugaland Kraft.AKRIVFOTO: TORSTEIN TYSVÆR NYMOENBilde 1 av 2
Konsernsjef Olav Linga i Haugaland Kraft seier det har vore ein del av planen at selskapet skal overta Fjeldberg Kraftlag sine aksjar.
HitecVision med hovudbase i Stavanger får ikkje innpass i pengemaskina Haugaland Kraft gjennom oppkjøp av aksjane i Fjeldberg Kraftlag AS. Eigarkommunane set ein stoppar for det gjennom forkjøpsrett.
Det tidlegare kraftselskapet på Halsnøy gjekk inn i Haugaland Kraft AS og fekk aksjar i betaling som igjen tidlegare abonnentar i øya i Kvinnherad hadde råderetten over.
Det er same modellen som Skånevik Ølen Kraftlag gjennomførte ved at Haugaland Kraft overtok verdiane i tidlegare SØK.
