Han vil bruka eigne erfaringar til å jobba med rusavhengige
Janis Sivertsen (39) kan markera to år og sju månadar som rusfri. At han endeleg skulle koma dit han er i dag, trur han vil overraska mange. No drøymer Janis om å bli ruskonsulent, og å få hjelpa andre.
Det er ein heilt annan Janis Sivertsen som møter Grannar til ein prat, enn mannen som har møtt lokalavisa fleire gonger tidlegare. Glad i blikket, opplagt og rundt 20 kilo tyngre enn sist. 39-åringen frå Ølen har stått fram med frustrasjonen over livet som narkoman i eit bygdesamfunn. Han har følt seg som ein spedalsk og utsøytt av samfunnet, og han har sakna eit verdig liv.
No har han nettopp det. Eit verdig liv. Endeleg!
— Eg har det utruleg godt. Eg har alt eg treng og alt eg kan ønska meg, seier han.
