Uvanleg stor etterspørsel. Leif Bjarne Olsen i Ølmedal har travle dagar med sal og produksjon av ved.
Foto: Irene Mæland Haraldsen
Full fyr i vedsalet
Med ein iskald vinter friskt i minnet og ein straumpris som er i ferd med å nærma seg nye høgder har etterspurnaden etter ved auka kraftig. Hos bonde og vedseljar Leif Bjarne Olsen i Ølmedal er vedlageret snart tomt.
— Salet har gått veldig bra. Eg har aldri opplevd makan, seier Leif Bjarne Olsen og er godt nøgd med årets omsetnad på ved.
Han opplever at folk er vettskremde på grunn av straumprisen. Nå har han berre litt ved igjen, men det er bestilt.
— Så nå har eg førebels sett stopp, seier imslandsbuen.
