Illustrasjon av den planlagde symjehallen og bygdehuset i Vats.
Vindafjordhallen
Fleirtal for å bygge ny Vindafjordhall
Etter fleire gruppemøte torsdag kveld er det eit solid fleirtal i Vindafjord kommunestyre for å gå over i byggefasen for symjehall og bygdahus-prosjektet i Vats.
I eit felles gruppemøte mellom partigruppene til Ap, Sp og KrF blei det klart at alle tre partia kjem til å stemme for byggestart. Dette bekreftar gruppeleiar Wenche S. Lilleland i Vindafjord Ap. Dei tre partia har fleirtal i kommunestyret og er følgeleg ikkje avhengige av støtte frå fleire parti for å få gjennom vedtak.
Kan skifte meining
Anna Klette Steinsland opplyser at også ho kjem til å stemme for å gå over i byggefasen. Kommunestyremøtet kommande tysdag blir siste gong ho møter som Bjoa Bygdeliste sin einaste representant. Frå oktober blir ho ei av tre i Vindafjordlista si kommunestyregruppe.
