Utflytta vatsbu Linda Nesheim Sandvik ser for seg å ta med dottera Liva på bading i den nye symjehallen i Vats.
Foto: Svein-Erik Larsen
Vindafjordhallen
Fleire jublar for nytt basseng
Både fastbuande og utflytta vatsbuar gleder seg over at det er politisk fleirtal for å bygge symjehall og bygdahus i Vats. Linda Nesheim Sandvik (36) ser for seg å ta med dottera Liva (10) på bading i heimbygda.
— Det er kjempebra at det er fleirtal for å bygge. Me vil ha tilbake det me har mista, seier Linda Nesheim Sandvik (37) på veg inn på Shell Knapphus saman med dottera Liva (10) rundt lunsjtider laurdag.
Ho kjem frå Vats, men bur i dag i Vikedal.
Spørsmålet om å gå over i byggefasen på symjehall og bygdehus i Vats-prosjektet skal opp i formannskapet og kommunestyret kommande tysdag. Etter at dei politiske partia i Vindafjord hadde sine gruppemøte torsdag kveld er det klar at det går mot eit breitt politisk fleirtal for bygging.
