Kommunalsjef og prosjektleiar Anne Sofie Sandvik i tettstadsprosjektet i Ølen opplyser at dei bestiller ein moglegheitsstudie for å finne meir ut av kva som er mogleg å få til i Ølen sentrum. Her saman Asbjørn Moe i Fikse Næringsforening som er med i prosjektgruppa, før dei inviterte ølensbuen i idémyldring for vel eitt år sidan.
Arkivfoto: Jon Edvardsen
Eksterne skal finne svar
Ein såkalla moglegheitsstudie er neste trekk etter at pilotprosjektet for attraktive tettstader er over der også Sauda, Hjelmeland og Moi deltok. Rogaland fylkeskommune valde ut pilotane som lokale prosjekt for å bli meir attraktive tettstader.
Fylkeskommunen har bestemt seg for at prosjektet skal gå vidare og inviterer dermed distriktskommunar i Rogaland til å søkje. Sist var det ni som melde seg og fire vart valde ut.
Dei eksisterande pilotane kan også søkje om å vere med vidare, og det vil truleg Vindafjord gjere. Først seinare blir det klart om Ølen kan halde fram som pilot under fylkeskommunen sin paraply.
