Bubilen blir ei stadig meir poulær ferieform.
ARKIVFOTO: TORSTEIN TYSVÆR NYMOEN
Bubilferie tar av
Hordaland er landets fylke med flest bubilar. Per innbyggar er denne ferieforma mest populær i nord.
Dei er ikkje blant dei mest populære blant andre trafikantar på sommarvegane, men sjølv synest dei bubilferierande at dette ei fantastisk måte å farta rundt i. I løpet av dei siste ti åra har talet på bubilar her i landet dobla seg og nærmar seg nå 50.000.
Ved årsskiftet var det her i landet registrert over 49.690 bubilar, viser ein fersk oversikt frå Statistisk sentralbyrå. Nordmenn har verkeleg fått augo opp for denne måten å feriera på. Dette er hundre prosent auke sidan 2009.
— Det er oppsiktsvekkande at veksten har vore så høg. Me har ikkje tal for utanlandske bubilar på norske vegar, men me går ut frå at andre land kan ha hatt ein liknande vekst. Det er i alle fall sikkert at det er blitt langt fleire bubilar på vegen i Sommar-Noreg, seier seniorrådgivar i SSB, Vidar Lund i ein artikkel på byrået si nettside.
