Betydeleg fleire etnebuar treng økonomisk hjelp

Nye tal frå Statsforvaltaren i Vestland, viser at 91 personar i Etne kommune fekk sosialhjelp i 2022. Dette er ei auke på 20 prosent frå 2021, då det var 76 mottakar. Prosentauka i Etne er betydeleg høgare enn i Vestland, der den var sju prosent, og i Noreg som heilskap, der den var 8,7 prosent. Totalt 2,2 prosent av befolkninga i Etne var sosialhjelpsmottakar i 2022.

Dette er midt på treet blant kommunane i fylket. Aurland ligg lågast med 1,2 prosent av befolkninga, mens Modalen har den høgste delen, med 5,3 prosent.