Egil Kambo, her ved Vaka kraftverk i Vindafjord, er ein av aktørane som hadde blitt ramma om kraftskatteutvalet sitt forslag hadde blitt innført.
ARKIVFOTO: JON EDVARDSEN
Avlyser skattesjokk for småkraftverka
Det ville blitt uleveleg for mange eigarar av småkraftverk og stans i nye prosjekt dersom utvalet sitt forslag hadde blitt gjennomført. Det er difor inga bombe som nå kjem frå Høgre, Frp, KrF og Venstre.
— Regjeringa har bestemt at småkraftverka beheld dagens innslagspunkt for grunnrenteskatt, seier stortingsrepresentant for Høgre, Liv Kari Eskeland frå Hordaland i ei pressemelding.
Dette vil sikra at dei nær 350 konsesjonane som er gitt på desse vilkåra, står seg, og prosessar for etableringar og investeringar kan fortsetja.
