Elva i Vikedal under ein regnvèrsperiode i 2017.
Arkivfoto: Irene Mæland Haraldsen
Årets våtaste dag
Tysdag bøtta det ned både i Etne og Vindafjord. Ved målestasjonen i Etne og på Hundseid i Vindafjord viste målingane 54 mm nedbør. Det er rekord for året begge stader og litt over tidlegare målte nedbørstoppar. 15. august i år var det registrert 48 millimeter på Hundseid og 15 september viste Etne målestasjon 48 millimeter nedbør.
Målestasjonen i Vats enda på 31 millimeter nedbør i løpet av tysdagen, noko som var under toppmålinga 24. mai då nedbørsmengda enda på 49 millimeter.
Det bles godt i kasta denne tysdagen og natt til onsdag, og ved målestasjonen i Etne var det registrert vind på 10,5 m/s klokka 01.00 natt til onsdag og 9,5 m/s klokka 16.00 tysdag.
