Frå venstre: Per Rullestad (grunneigar), John Karsten Hustveit (Åkrafjorden Oppleving AS), Tor Petter Stensland (Odda Holding AS), Nina Kaltwasser og Robert Melkeraaen (begge i Åkrafjorden Oppleving).
Foto: Privat
Åkrafjorden Oppleving tar over campingplass
Campingplassen ved Rullestadvatnet har fått nye eigarar. Åkrafjorden Oppleving tar over drifta og ser for seg eit senter for aktivitet, overnatting og lokal verdiskaping – både for turistar og fastbuande.
Måndag 5. mai tok Åkrafjorden Oppleving over drifta av campingplassen ved Rullestadvatnet. Med det får reiselivstilbodet i området eit nytt løft, og campingplassen – som no får namnet Camp Åkrafjorden – blir ein viktig del av det vidare arbeidet med å styrka Åkrafjorden som reisemål.
— Campingplassen ligg som den naturlege inngangsporten til Åkrafjorden når du kjem frå aust, og vil derfor vera eit framifrå utgangspunkt for alle som vil utforska fjorden og alle opplevingane me har å tilby her, seier John Karsten Hustveit, dagleg leiar i Åkrafjorden Oppleving.
Del av eit større reiselivsnettverk
