To nye smitta i Vindafjord

— Dette er ei sterk påminning om at pandemien framleis er her og at folk må følgja alle smittevernreglar, seier kommuneoverlege Terje Kleiven i Vindafjord til Grannar.

Tysdag kveld kom prøvane som viste to ny smitta. Dette er utanlandske arbeidarar som er busette i brakkerigg i Ølensvåg og som jobbar for eit firma i Haugesund. Ifølgje Kleiven var dei del av eit reisefølgje på ni personar som kom via flyplassen på Helganes sundag kveld.

— Dei sju andre i gruppa testa negativt, men vil bli testa ein gong til før dei kan gå i jobb. Alle er sett i karantene. Det er alltid ein risiko for intern smitte ved slike tilfelle, men eg tur ikkje faren er stor slik dette er handtert, seier Kleiven.