Klar med 2,4 km ny løype

Arbeidet med den nye lysløypa langs Osaelva i Ølen er inne i sin siste fase og torsdag ettermiddag inviterer grendeutvalet til opningsmarsj for alle som vil vera med på å markera at bygda har fått ei ny og flott turløype. Marsjen startar ved klubbhuset til Ølen IL og fortset 2,4 kilometer innover langs elva til Hedlevadvegen.

— Marsjen passar for alle. Det blir premie til den som klarar å koma i mål på idealtida og elles trekning av premiar blant alle deltakarane, fortel leiaren i Ølen Grendautval, Anja Hauge Christiansen som sist veke tok tida då ho gjekk turen for å finna den ideelle turtida for løypa.

I tillegg til turmarsj og premiedryss blir det høve for turfolket til å kosa seg saman med noko godt å bita i eller eit glas varm drikke før start.