Svart belte på Bjoa

— Det var knallhardt, men veldig kjekt å vinna, seier gullmedaljevinnaren Dagfinn Knutsen (42) etter at han sikra seg den gjevaste medaljen i sin klasse under NM i taekwondo som gjekk i Bergen.

Han konkurrerte mot 17 andre utøvarar i sin klasse og fekk full klaff under meisterskapen som samla 570 deltakarar frå heile landet. Frå tidlegare har han bronse og sølv frå Rogaland-meisterskap.

— Eg vann i NM mønster i veteranklassen, fortel kampsportutøvaren som saman med bronsevinnar Doreen Halleland har svart belte. Svart belte er den høgaste rangeringa innan sporten og dei to utøvarane frå klubben på Bjoa har begge klart å trena seg fram til den krevjande graden.