Storeslem i bilcross på heimebane

Det vart eit actionfylt og publikumsvennleg bilcrossløp framfor eit stort publikum på Vikedal Motorbane laurdag og søndag. I juniorklassa var det førarane frå NMK Bergen som tok dei største pokalane, medan arrangørklubben forsynte seg grovt i seniorklassa. Dei innlagte premiane for beste damer gjekk også til lokale førarar. Amalie Rønnevik tok den største pokalen, framfor Heidi Steine og Monica Weltzin Pedersen.

Det heile starta i flott sommarvêr laurdag, og i juniorklassen var det tre lokale førarar som var heilt i tet. Sondre Åsheim frå Ølen køyrte inn til helgas beste omgangstid alt i første omgang, og siger i dei to andre omgangane. Siger i 4. omgang under fuktigare forhold sikra plass i A-finalen, sjølv om det vart stopp etter tekniske problem i 5. omgang. I finalen blei det fjerde plass for den unge ølensbuen.

Dramatikk