Skånevik vann første kamp på ny bane

Skånevik tok imot naborivalen Bjoa til eit oppgjer i 7. divisjon tysdag kveld. Det var den aller første A-lagskampen på den nye kunstgrasbana i Skånevik. Den som fekk æra av å sette inn det første målet på bana var Bjoa sin spiss Ådne Hundhammer Reed. Med eit hardt skot sette han ballen bak Skånevik sin keeper Tom Phuangkaew Bjørnsson.

Leiinga var fortent sidan gjestene var det beste laget i starten av kampen. Dei let ballen gå mellom kvarandre, og Skånevik sleit med å demma opp for vindafjordlaget. Skånevik sin keeper Tom Phuangkaew Bjørnsson måtte dra fram fleire redningar i starten av oppgjeret. Men Skånevik hadde eit ess i ermet, då Amund Sævareid Straumsøy vart bytta inn eit stykke ut i den første omgangen. Han gav heimelaget noko meir fart på topp, og ikkje så lenge etter sette han inn utlikninga til 1-1, noko som vart pauseresultatet.

Avgjorde med hattrick