Skånevikspelararne Erik Samland Tendal (t. v) og Espen Molnes Lauareid er klare for 7. divisjon.
FOTO: MAGNE SKÅLNES
Sesongstart for lokalfotballen
Skånevik tilbake etter fire år
Skånevik IL har meldt på eit 9’ar lag i den lokale 7. divisjon dette året. Det er yngre krefter som trør til for å få herrefotballen i Skånevik tilbake på kartet.
Det er Espen Lauareid (19) som har stått i bresjen for at dei gul/raude trøyene igjen skal brukast i A-lagsfotballen. Dei skal i første del av sesongen spela 9’ar-fotball, med opning for å gå over til vanleg 11’ar i haustsesongen om det er mannskap til det.
Tre sesongar utan lag
Det var i 2019 Skånevik sist hadde herrelag med i 7. divisjon. Espen Lauareid var knapt gammal nok til å vera med den gongen, men han var med som keeper den sesongen. Dei kjekke minnene frå den gongen fekk han til å undersøke moglegheitene til å melde på eit lag igjen.
