Linea (13) frå Sandeid sette ny løyperekord i Tysvær

På startstreken ved Extra Frakkagjerd stod arrangørane frå Stegaberg, dei kryssa av på namnelister over dei som alt hadde meldt seg på løpet. Mosjonistane starta i uryddige flokkar og gav seg i veg på turen opp til toppen.

Dei konkurrerande fekk utdelt startnummer, og gjorde seg klar til startskotet. Men – startskot blei det ikkje noko av, – det var ikkje søkt om å få løyse skot, derfor blei det god gammaldags klar, ferdig, gå! som sendte dei av garde.

Gruppa på 37 påmeldte i konkurranseklassen tok ut mot toppen, ei fin blanding av unge løparar og dei som har vore med før. Alt etter 3-4 minutt hadde dei nådd kiosken» som var sett opp ved trappa opp til fjellet, der eit par-tre medhjelparar hadde rigga seg til med forfriskingar.