Even Øyjord Rødne var ein av fleire lokale skyttarar som utmerka seg under stemnet i Ullensvang.
Foto: Privat
Hordameister i feltskyting
Even Øyjord Rødne frå Etne skytarlag vart Hordameister i feltskyting, klasse Junior, etter overbevisande skyting i finalen.
Junioren frå Etne hadde ein god dag i feltløypa då Åsane og Hordvik skyttarlag arrangerte Hordameisterskap i feltskyting søndag 28. april. Han låg på 3. plass før finalen med 30 treff (fullt hus) og 22 innartreff (30/22) i hovudrunden.
I finalen skyt deltakarane tolv skot, seks av desse på kneståande, mot figur med sone» for innartreff. Even plasserte alle sine tolv finaleskot i sonen for innartreff og gjorde det dermed svært vanskeleg for dei andre i finalelaget med same utgangspunkt – 30 treff.
