Bortelaget mest nøgd med poengdeling

Det var heimelaget som kom best i gang i nabo-oppgjeret i Nedre Vats. Vats 94 hadde ballen mykje og kom til fleire klare sjansar. Både Kristian Langeland og Jørgen Ohm kunne ha sendt vertane i ei tidleg leiing, men det gjekk 15 minutt før ballen låg i nota.

Eit direkte frispark frå Einar Myhre vart redda av Etne sin keeper, men på returen var Ørjan Grunnaleite frampå, og dermed stod det fortent 1-0. Heimelaget heldt trykket oppe i store delar av den første omgangen, men det var Etne 2 som fekk den neste nettkjenninga. På ein av sine sjeldne visittar på Vats 94 sin banehalvdel, fekk Daniel Gullachsen godt treff på lærkula, og den gjekk inn heilt borte ved stolpen frå 18 meter.

Frøland med kunstskåring