God stemning ved signering. Olav Hovland, Regiondirektør BM Sunnhordland og Haugalandet, Sparebanken Vest (f.v.), Magnhild G. Våge, påtroppande Banksjef Sparebanken Vest avdeling Etne. Erling Bjarte Rullestad, leiar Etne IL, Simen Løland Aarskog, Konserndirektør PM Sør, Sparebanken Vest, Bjørnar Aastvedt, leiar Etne cup. Roar Gundegjerde, sponsoransvarleg Etne Cup.
Foto: Privat
Blir hovudsponsor
— Dette er ein stor og langsiktig sponsoravtale som skaper trygge rammer for drifta av idrettslaget i fleire år framover, seier leiar i Etne IL, Erling Bjarte Rullestad, i ei pressemelding.
Etne Sparebank har vore generalsponsor for idrettslaget i fleire tiår, men kontrakten gjekk ut etter dette året, så sjølv om Etne Sparebank blei ein del av Sparebanken Vest 1. desember, måtte det inngåast ein ny avtale. Konserndirektør for personmarknad sør i Sparebanken Vest, Simen Løland Aarskog, er storfornøgd med at Etne IL blir ein del av sponsorporteføljen deira som inneheld alt frå Skånevik IL til Brann.
— Nå blir det ny logo på Etne-draktene, men det gode samspelet blir som før. Me i Sparebanken Vest ønsker å vidareføre tradisjonen med å vere ein medspelar i lokalsamfunnet og for idrettslaget. Me er stolt sponsor av Etne IL, seier Løland Aarskog.
